Steingrímur J. Sigfússon, formaður Vinstri grænna, segir að engar viðræður hafi átt sér stað milli Samfylkingar og Vinstri grænna, um að halda áfram stjórnarsamstarfi eftir þingkosningarnar í apríl.

Frá þessu greinir RÚV og hefur eftir Steingrími að samstarfið gangi vel sem auki stemninguna fyrir því að halda samstarfinu áfram. Engar ákvarðanir hafi hinsvegar verið teknar og þvertekur hann fyrir það að einhverjar viðræður hafi átt sér stað.

Steingrímur segir að nauðsynlegt sé að ná samstöðu um hverni farið verði með Evrópusambandsumræðuna og til góðs væri ef næðist samstaða um lýðræðislegan og uppbyggilegan farveg fyrir málið.