Þorsteinn Ásgeirsson var í dag dæmdur til sjö mánaða fangelsisvistar og greiðslu 20 milljóna króna í ríkissjóð fyrir meiri háttar brot gegn skatta- og bókhaldslögum. Hann var í fyrirsvari fyrir félagið Þ.Á. slf. sem hirti ekki um að greiða ríkissjóði samanlagt tæpar tíu milljónir króna á árunum 2003 til 2008.

Þetta er ekki í fyrsta skipti sem Þorsteinn er dæmdur fyrir slík brot. Hann var jafnframt dæmdur til greiðslu rúmlegra fjögurra milljóna króna í sekt fyrir sambærileg brot árið 2002.

Greiði Þorsteinn ekki 20 milljóna króna sektina í ríkissjóð, sem hann var í dag dæmdur til að greiða, verður hann að sitja inni í fimm mánuði til viðbótar þeim sjö sem hann þarf að afplána fyrir brot sín.