Nemendur í Hagaskóla safna fyrir Mæðrastyksnefnd í átaki sem skólinn kallar Kærleikur á aðventu. Nemendurnir eru helst hvattir til að sfan sparifötum og öðrum fötum á börn og unglinga ásamt bókum. Gjöfunum verður síðan komið til áleiðis fyrir jólin.

„Nú nálgast jólahátíðin og þá er gott að hugsa til annarra og láta gott af sér leiða. Það kom upp góð hugmynd um að styrkja Mæðrastyrksnefnd enda mikil þörf fyrir hjálp á þeim bæ. Það væri því frábært ef þið gætuð aðstoðað börnin ykkar við að finna gömul föt af sér (eða öðrum) svo og vel með farnar bækur sem allir á heimilinu eru hættir að lesa. Þannig er hægt að slá tvær flugur í einu höggi, taka til í skápum og gleðja aðra,“ segir í tilkynningu sem send var foreldrum nemenda í Hagaskóla.