Nasistahúðflúr og annar dónaskapur sem nýnasisti frá St. Petersburg í Flórída er með í andlitinu eru ekki til að hjálpa honum fyrir framan kviðdómi í Flórída. Þetta er niðurstaða dómara í morðmáli gegn John Ditullio sem óttaðist að nýnasistinn ætti ekki möguleika á sanngjörnum réttarhöldum með óskapnaðinn framan í sér.

Dómarinn komst því að þeirri niðurstöðu að ríkið myndi borga förðunarfræðing fyrir að hylja húðflúr Ditullio, en hann er sakaður um hatursglæp. Hann er sakaður um morðið á sautján ára pilt sem hann taldi vera samkynhneigðan.

Förðunarfræðingurinn þarf því að hylja hakarkross, gaddavír og dónaleg orð sem Ditullio lét húðflúra á sig eftir að hann var handtekinn fyrir morðið. Ekki má þó fela nein húðflúr sem Ditullio var með áður en hann var handtekinn fyrir morðið.

Ditullio á yfir höfði sér dauðadóm vegna málsins.