Norska geimvísindastofnunin telur að gríðarstór bjartur spírall sem sást á himni í Norður-Noregi í morgun hafi stafað frá eldflaug sem rússneskur kafbátur skaut á loft frá Hvítahafi. Rússneskir flotaforingjar hafa vísaði þeirri útskýringu á bug og segjast ekki hafa skotið neinum eldflaugum.

Margir sjónarvottar í Þrændalögum og Finnmörku tóku myndir af þessum furðulegu teiknum á dimmum skammdegishimninum. Margir efast um að um eldflaug hafi verið að ræða.

Undrið hófst þegar blátt ljós að fjallabaki virtist svífa upp á himinninn. Ljósið nam staðar á himninum og fór að hreyfast í hringi. Nokkrum andartökum síðar fyllti spírallaga ljósið himinninn. Blágrænir geislar skutust út úr miðju spíralsins í 10 mínútur áður en ljósin hurfu alveg. Þúsundir manna urðu vitni af þessum undrum og hringdu í ofboði á Loftsteinastofnun Noregs og í fleiri stofnanir. Stjörnufræðingar draga í efa að um norðurljós hafi verið að ræða.

Sjónarvottur sem Verdens Gang ræddi við í dag líkja ljósunum við stjörnuhrap „sem snerist í hringi, aftur og aftur.“

Stjörnufræðingurinn Knut Jørgen Røed Ødegaard sagði í viðtali við VG að hann hefði aldrei séð annað eins: „Mér datt í fyrst í huga að þetta væri loftsteinn, en það getur ekki verið, þetta tók svo langan tíma.“

„Ljósin snerust og sprungu á himninum,“ sagði sjónarvotturinn Totto Erikson í Tromsø í samtali við blaðamann VG.

Hér má sjá myndband er sjónarvottur sendi Verdens Gang: http://www.vgtv.no/?id=27553