Samkvæmt skýrslu frá því lögregla yfirheyrði Elin Nordegren, eiginkonu Tiger Woods, var Tiger Woods búinn að drekka áfengi áður en hann ók bíl sínum á brunahana og tré í grennd við heimili sitt nú nýverið. Skýrslan með vitnisburði Elin Nordegren er sögð hafa lekið út og birtist fyrst á Radar Online. Rannskar lögreglan í Flórída nú hvernig skýrslan lak út en málið er litið alvarlegum augum þar á bæ.