Leikfangamús var innkölluð í Bretlandi eftir að foreldrar kvörtuðu yfir því að hún syngi „paedophile, paedophile“, (barnaníðingur), í stað „jingle bells.“

Leikfangamúsin er framleidd í Kína og dreifingaraðilinn í Bretlandi, Humatt, í Dorset, sagði að sá sem sér um sönginn hafi verið ófær um að framleiða ákveðin hljóð. Í viðtali við breska slúðurblaðið The Sun sagði talsmaður fyrirtækisins að söngvarinn segði örugglega „Jingle Bells“, það hefði komið í ljós þegar hægt var á laginu, „en við höfum innkallað þær [leikfangamýsnar] til að koma í veg fyrir að fólki verði misboðið.

Myndband af leikfangamúsinni sem misbýður Bretum má sjá á vef The Sun með því að smella hér.