Gylfi Magnússon, viðskiptaráðherra, sagði í kvöldfréttum Ríkissjónvarpsins að ekki kæmi annað til greina en að þeim sem hafa haft milligöngu um brot á gjaldeyrislögum verði refsað harkalega. „Þeir sem hafa hagnast um milljónir eða milljarða eiga eftir að naga sig í handabökin,“ sagði Gylfi. Fram kom í máli forstjóra Fjármálaeftirlitsins í kvöldfréttum Ríkisútvarpsins að menn með reynslu af gjaldeyrisviðskiptum hafi haft milligöngu um brot á gjaldeyrislögum.

Tuttugu og tvöl slík mál eru inn á borði Fjármálaeftirlitsins en þeim hefur verið vísað þangað af Seðlabanka Íslands þar sem grunur leikur á stórfelldum brotum gegn gjaldeyrislögunum.