Japanskur smákafbátur hefur fundist við Pearl Harbor-höfn á Kyrrahafseyjunni O'ahu. Kafbáturinn er talinn hafa leikið lykilhlutverk í áras Japana á herstöð Bandaríkjanna í Pearl Harbor-höfn þann 7. desember 1941.

Smákafbáturinn var einn af fimm slíkum sem voru sendir úr stærri kafbát utan við Pearl Harbor. Vísindamenn við háskólann á Hawaii höfðu fundið hina fjóra kafbátana en sá sem fannst nýverið var sá eini sem náði að skjóta tundurskeytum sínum á USS Oklahoma herskipið sem sökk í árásinni fyrir sextíu og átta árum.