Ný rannsókn hefur leitt það í ljós að fjörutíu prósent unglinga hafa stundað kynlíf áður en foreldrar þeirra hafa frætt þau um verknaðinn. Spurningar um kynlíf voru lagðar fyrir hundrað fjörutíu og eina fjölskyldu við rannsóknina og kom þar í ljós að fjörutíu prósent unglingsstúlkna sögðust ekki hafa rætt við foreldra sína um kynlíf áður en þær stunduðu það og sjötíu prósent unglinsdrengja höfðu ekki rætt við foreldra sína um kynlíf áður en þeir hófu að stunda það.

Komust vísindamenn að þeirri niðurstöðu að unglingar eru líklegri til að fresta því að stunda kynlíf í fyrsta sinn ef þeir hafa rætt um það við foreldra sína og eru unglingarnir mun líklegri til að nota getnaðarvarnir hafi þeir rætt um kynlíf við foreldrana sína. Voru ýmsir foreldrar ekki vissir hvenær börnin væru orðin nógu gömul til þess að fræða þau um kynlíf en vísindamennirnir ráðleggja foreldrunum að byrja mun fyrr en þeir höfðu talið í fyrstu.