Hæstiréttur þyngdi í dag dóm Héraðsdóms Reykjavíkur yfir 61 árs karlmanni fyrir kynferðisbrot gegn fjórtán ára gamalli greindarskertri stúlku. Hæstiréttur dæmdi manninn í 20 mánaða fangelsi fyrir að láta stúlkuna hafa við sig munnmök.

Maðurinn kynntist stúlkunni, sem þá var fjórtán ára gömul, á netinu og í spjalli við hana sagðist hann vera rúmlega tvítugur, en var hann þá 61 árs.

Fram kemur í dómi Hæstaréttar að maðurinn hafi farið með stúlkuna heim til sín þar sem hann framdi brotið gegn henni „þó honum hlyti að vera fulljóst að auk ungs aldurs væri hún einni greindarskert,“ segir í dómnum.

Var maðurinn ekki talinn eiga sér neinar málsbætur og dæmdur í 20 mánaða fangelsi og gert að greiða stúlkunni 700 þúsund krónur.