Samkvæmt breytingum sem gerðar voru á lögum á Alþingi sem samþykkt voru fyrir jól munu skólagjöld þeirra sem stunda nám í framhaldsskólum á kvöldin þrefaldast. Þetta kom fram í fréttum Bylgjunnar í hádeginu.

Samkvæmt nýsamþykktum lögum mun kostnaður við hverja einingu í námi fara úr 2500 krónum í 7500 krónur. Þeir sem stunda 35 eininga nám yfir skólaárið munu því þurfa að borga um 263 þúsund krónur í stað 88 þúsund króna áður. Það er þreföld hækkun.

Samkvæmt áætlun frá fjármálaráðuneytinu munu 225 nemendur stunda 35 eininga nám í kvöldskóla á næsta ári. Því þýðir þessi hækkun skólagjalda um 40 milljónir króna í auknar tekjur fyrir ríkissjóð.