Þrír ræningjar sem voru klæddir í jólasveinabúninga rændu sjoppu í Árósum í Danmörku í gær. Þeir hótuðu starfsfólki og var einn ræningjanna með byssu og annar með hníf. Stálu þeir bæði sígarettum og og áfengi.

Lögreglan á Austurjótlandi leitar nú mannanna en ræningjarnir eru taldir vera á þrítugsaldri. Er talið að einn þeirra sé af sómölsku bergi brotinn. Ræningjarnir þrír flúðu af staðnum í rauðum bíl.