Lögreglan á höfuðborgarsvæðinu áætlar að milli fimm og sex þúsund manns hafi verið samankomnir í miðborg Reykjavíkur í kvöld. Nú fer hver að verða síðastur að kaupa jólagjafir enda loka flestar verslanir í miðbænum klukkan ellefu í kvöld.

Að sögn lögreglu hafa engin vandamál komið upp og hefur umferð gengið vel fyrir sig, enda veður með ágætu móti. Þrír hafa þó verið teknir vegna gruns um akstur undir áhrifum áfengis.