:Það var ekki að undra að ritstjórn tímaritsins Golf Digest yrði hvumsa árið 2007 þegar Tiger Woods samþykkti að veita tímaritinu Men's Fitness, systurtímariti National Enquirer, ítarlegt viðtal. Golf Digest hafði gefið milljónir dala árlega til góðgerðarfélags Tigers Woods, Tiger Woods Foundation, auk ýmislegs annars. En þrátt fyrir það hafði Golf Digest aldrei boðist að komast jafnnálægt kylfingnum og Men's Fitness hafði boðist.

Samþykki Tigers Woods fyrir þessu einstæða viðtali var tilkomið vegna sérstaks samkomulags fulltrúa Tigers og útgefanda Men's Fitness og National Enquirer eftir að hið síðarnefnda hótaði að birta ljósmyndir sem teknar höfðu verið af Tiger Woods í félagsskap þjónustustúlkunnar Mindy Lawton í kyrrstæðri bifreið á bílastæði. Frá þessu samkomulagi er greint á vefsíðu Wall Street Journal.

Nánar er fjallað um málið í DV í dag