Vonskuveður ríkir nú á austurströnd Bandaríkjanna. Mikið fannfergi fylgdi í kjölfarið og var um þrjátíu sentímetra lag af nýföllnum snjó á ýmsum svæðum sem hefur riðlað flestum erindagjörðum Bandaríkjamanna fyrir jólin. Bandaríkjamenn virtust ekki vera velbúnir fyrir vetrarveðrið og festu bíla sína ítrekað í ófærðinni. Barack Obama Bandaríkjaforseti varð að hætta við að ferðast til Hvíta hússins í Washington með þyrlu vegna ófærðar og var því ekið.

Við Obama blasti alhvít jörð í dag er hann kom frá Loftlagsráðstefnunni í Kaupmannahöfn.