Facebook-samskiptavefurinn hefur lokað einni stærstu aðdáendasíðu Massimo Tartaglia, mannsins sem réðst á forsætisráðherra Ítalíu, Silvio Berlusconi, á dögunum.

Síðan sem um ræðir var komin með næstum hundrað þúsund aðdáendur á innan við tveimur sólarhringum. „Hvers kyns upphafning ofbeldis eða hótanir gagnvart einstaklingum muni ekki líðast á Facebook. Við munum bregðast fljótt við öllum ábendingum um slíkt og fjarlægja það efni sem um ræðir,“ segir í tilkynningu frá samskiptavefnum.