Hernan Rodriguez frá Long Island í Bandaríkjunum réðist vopnaður sveðju og skammbyssu að manni sem var í heimsókn á heimili fyrrverandi eiginkonu hans á miðvikudaginn.

Rodriguez veittist að hinum 22 ára gamla Marlin Aguilar með sveðjunni og skar af honum eyrað í kjölfarið. Aguilar hlaut skurði í andlitið og hendur að auki.

Hinn 34 ára gamli Rodriquez flúði af vettvangi eftir árásina en lögreglan hafði upp á honum skömmu síðar. Þá hafði hann beint skammbyssunni að sér og svipt sig lífi.