Nokkuð var um búðarhnupl úr verslunum á höfuðborgarsvæðinu í dag. En eins og DV.is greindi frá í gær verður umtalsverð aukning í slíkum afbrotum á þessum tíma árs og komu nokkur slík atvik til kasta lögreglunnar í gær. Frá hádegi í dag var tilkynnt um ellefu hnuplmál úr helstu verslunarkjörnum.

Bárust tilkynningar frá Kringlunni, Smáralind, Glæsibæ og Holtagörðum en samkvæmt upplýsingum frá lögreglu þykir þetta nokkur aukning frá fyrri mánuðum.