Umferðin á höfuðborgarsvæðinu var þung seinnipartinn í dag og fram eftir kvöldi. Nokkur minniháttar umferðaróhöpp áttu sér stað, þar á meðal fjögurra bíla árekstur á Miklubraut, en engin slys urðu á fólki samkvæmt upplýsingum frá lögreglunni á höfuðborgarsvæðinu.

Lögreglan segir talsverðan eril hafa verið í austurbæ Reykjavíkur en að mestu rólegt annarsstaðar.

Þá hefur verið einstaka útkall vegna ölvunar á kaffistöðum bæjarins og eitt dæmi um áflog í austurborginni en aðilar voru á bak og burt þegar lögreglan kom að.