Sérstakur saksóknari rannsóknar nú fjögur mál sem stórfellt samsæri forsvarsmanna Gamla Kaupþings til að halda uppi hlutabréfaverði í bankanum. Leikur grunur á nærri hundrað milljarða króna sýndarviðskiptum. Rannsóknin lýtur meðal annars að kaupum Sjeiks Al-Thani á hlutabréfum í bankanum.

Þetta kom fram í kvöldfréttum Sjónvarpsins.

Þar kom fram að grunur leiki á að bankinn hafi látið leppa kaupa bréf í sjálfum sér fyrir nærri hundrað milljarða króna. Var þetta gert til að halda hlutabréfaverði uppi í sýndarviðskiptum. 26 milljarða króna kaup Sjeiks Al-Thani komu inn á borð yfirvalda skömmu eftir bankahrunið og er málið nú inni á borði sérstaks saksóknara.

Hin þrjú málin tengjast kaupum bresku Gertner kaupsýslubræðunum sem keyptu tveggja prósenta hlut í bankanum í júní á síðasta ári. Þá var Bretinn Kevin Stanford skráðum fyrir stórum hlut í Gamla Kaupþingi þegar bankinn féll sem og Holt, fyrirtæki Skúla Þorvaldssonar. Samkvæmt frétt RÚV eru þessi mál talin tengjast og hluti af stórfelldu samsæri.