Leikarinn Stefán Karl Stefánsson fær frábæra dóma fyrir frammistöðu sína í söngleiknum Dr. Seuss' How the Grinch Stole Christmas! vestanhafs á vefsíðunni Entertainment Today. Segir gagnrýnandinn Brad Auerbach að Stefán Karl sé greinilega leikarinn sem skemmti sér best á sviðinu.

Brad segir Stefán vera afar heillandi á sviði og að hann minni hann meira að segja á stórleikarann Jack Nicholson í The Shining sem ýkir oft á tíðum leik sinn á dásamlegan hátt. Ekki leiðum að líkjast.