Eigandi svissneska strippstaðarins Moulin Rouge, þar sem fjármálastjóri KSÍ var plataður og teknar milljónir af kreditkortum sambandsins, er staddur í Úkraínu. DV hafði samband við hann í gær vegna málefna fjármálastjórans en þá fengust þau svör að hann væri í þeim erindagjörðum í Úkraínu að finna nýjar stelpur til að sýna nekt sína við súluna og dansa einkadansa á strippstaðnum.