Lögreglan á Suðurnesjum telur líklegt að farið verði fram á áframhaldandi gæsluvarðhald yfir þeim sexmenningum sem nú sitja í gæsluvarðhaldi í mansalsmálinu. „Púslið er að nást saman og myndin er stöðugt að skýrast. Ég á von á því að við förum fram á áframhaldandi gæsluvarðhald,“ segir Jóhannes Jensson, aðstoðaryfirlögregluþjónn og yfirmaður rannsóknardeildar alvarlegri brota hjá lögreglunni á Suðurnesjum.

Gæsluvarðhaldið yfir sexmenningunum, fimm Litháum og einum Íslendingi, rennur úr síðdegis á miðvikudag.