Breski glæpamaðurinn Matthew Maynard, sem eftirlýstur var fyrir innbrot og aðra smáglæpi, var ekki alveg nógu sáttur við fangamyndina sem lögreglan sendi til fjölmiðla til að lýsa eftir honum. Hann brá því á það ráð að stilla sér upp fyrir framan lögreglubifreið og senda nýja mynd til notkunar.

Myndin af Maynard var birt í South Wales Evening Post um síðustu helgi en þar var hann ásamt sjö öðrum. Starsfólki blaðsins brá því heldur betur í brún þegar þau fengu senda nýja mynd af Maynard og var hún frá honum sjálfum. Hann hringdi því á undan sér og bað blaðið vinsamlegast um að nota nýja mynd. Að sjálfsögðu rataði myndin af honum á forsíðu blaðsins daginn eftir og sagan fylgdi með.

Svo virðist sem lögreglan hafi lítinn húmor fyrir uppátæki Maynards ef marka má ummæli lögregluþjóns í blaðinu. „Hann heldur að hann sé voðalega sniðugur með því að sýna sig svona. Við náum honum bráðlega.