Þrír bandarískir karlmenn hafa verið ákærðir fyrir fólskulega líkamsárás gegn manni sem þeir fundu sofandi í íbúðinni sinni. Það væri vart í frásögur færandi nema fyrir það að maðurinn, sem svaf í íbúðinni, hafði ekkert illt í hyggju en hann glímir við það vandamál að ganga reglulega í svefni.

Atvikið átti sér stað í Iowa-borg og var svefngengillinn, sem er 21 árs, með mikla áverka á líkamanum. Hann var þó ekki talinn alvarlega slasaður eftir árásina. Hann hafði dvalið í næstu íbúð við mennina þrjá þegar hann gekk þar inn og lagðist í sófann nótt eina í lok ágúst í sumar.