Karl Sigurbjörnsson, biskup Íslands, hefur handsalað samkomulag við séra Gunnar Björnsson, fráfarandi sóknarprest á Selfossi. Í samkomulaginu felst að Gunnar heldur áfram störfum fyrir Biskupsstofu næstu fimm árin, sem sérþjónustuprestur, en ætlast er til þess að presturinn starfi heima hjá sér. Séra Gunnar heldur fullum launum og fær því greiddar 42 milljónir króna frá biskupnum.

Heima fyrir mun séra Gunnar sinna ýmsum þýðingaverkefnum. Samkvæmt heimildum DV hefur hann verið með nærri 700 þúsund krónur í laun á mánuði, þegar allar aukagreiðslur eru teknar með í reikninginn. Sé launin reiknuð út samningstímann gera það rúmar 40 milljónir króna.