Störf Ólafs Ragnars Grímssonar forseta eru meðal annars til athugunar hjá rannsóknarnefnd Alþingis, en hann þykir hafa beitt sér af miklu afli í þágu einkafyrirtækja í útrás. Hér er hann ásamt eiginkonu sinni, Dorrit Moussaieff.
Sigurður Gylfi Magnússon, sagnfræðingur og háskólakennari, segir að Ólafur Ragnar Grímsson forseti hafi gengið miklu lengra en aðrir þjóðhöfðingjar í að þjónusta einkafyrirtæki og auðmenn. Hann telur að forsetinn eigi að segja af sér, en finnst ólíklegt að hann geri það.
„Ólafur er búinn; mér finnst að hann ætti að segja af sér. Forsetaembættinu væri hugsanlega hægt að bjarga ef hann segði af sér. En ég held að hann muni sitja, hanga á þessu eins og hundur á roði, og að í kjölfarið verði þetta embætti lagt niður,“ segir Sigurður Gylfi.
Ítarlega er fjallað um stuðning Ólafs Ragnars við útrásarvíkinga og stöðu hans í dag í helgarblaði DV.
Gamla fólkið verst úti
Manndráp í Hafnarfirði: Maðurinn vel þekktur hjá lögreglu
Ekki búið að reisa girðingu við Klepp
Slasaðist á sjó og fær ekki laun
Íslenskir barnaníðingar í útlöndum hundeltir