Séra Gunnar Björnsson sérþjónustuprestur hefur undanfarið ræktað garðinn sinn í orðsins fyllstu merkingu. Hann hefur ásamt eiginkonu hans verið duglegur við garðyrkjustörf síðustu daga og hafa þau hjónin án efa nýtt samveruna til að ræða næstu skref í deilu prestsins við biskup Íslands.

Í dag hefur verið settur á sáttafundur milli deiluaðila og er þá vonast til þess að farsæl lausn finnist í málinu. Séra Gunnar boðaði kæra á hendur biskupnum en á borðinu liggur jafnframt tilboð um veglegan starfslokasamning. Hvort að presturinn taki nýju starfi, fari í mál eða taki starfslokasamningi gæti komið í ljós eftir fundinn í dag.