Hljómsveitin FM Belfast er lofuð hástert á tónlistarsíðunni dancenova.com. Hljómsveitin er kölluð best geymda leyndarmál Íslands hvorki meira né minna en verið er að fjalla um það að breiðskífa þeirra How To Make Friends komi út í febrúar erlendis.

Vefsíðan fær yfir 100.000 heimsóknir á viku og þykir áhrifamikil þegar kemur að umfjöllun um raf- og danstónlist. Hún hefur verið starfrækt síðan árið 2001. FM Belfast vinnur nú að því að koma frá sér sinni annari breiðskífu en sú fyrri fékk frábæra dóma hér heima fyrir.