Forsvarsmenn breska ríkissjónvarpsins, BBC, heilluðust af frammistöðu Unnar Birnu Vilhjálmsdóttur í svissneskum sjónvarpsþætti sem tekinn var upp í sumar hér á landi og sýndur á dögunum. Svo mikið í raun að þeir vildu fá hana til liðs við sig og endurtaka leikinn fyrir breskan almenning.

Unnur neitaði enda hafði hún gert önnur áform; með hestunum sínum. Frá þessu er greint í nýjasta tölublaði Séð og Heyrt.

„Ég var búin að lofa mér austur fyrir fjall og gat því ekki hitt þá,“ segir Unnur Birna um símtalið sem hún fékk frá BBC á föstudaginn í síðustu viku. Fyrirvarinn of skammur og Unnur fór að sinna hestunum.

Nánar má lesa um ævintýri Unnar Birnu í Séð og Heyrt á næsta sölustað