Umsjónarmenn bandaríska þjóðgarðarins Miklagljúfurs í Bandaríkjunum fundu í gær lík karlmanns sem gestir höfðu veitt athygli við suðurbrún gljúfursins. Lík mannsins fannst um 60 metra ofan í gljúfrinu.

Þjóðgarðsverðir létu sig síga niður í átt að líki mannsins og var það flutt af vettvangi í þyrlu.

Talsmaður þjóðgarðsins segir að maðurinn hafi verið að heimsækja gljúfrið ásamt fjölskyldu sinni, þar á meðal syni og tengdadóttur.

Málið verður í framhaldinu rannsakað til að komast að dánarorsök.