Karlmaður á fimmtugsaldri og kona á þrítugsaldri voru handtekin grunuð um aðild að fíkniefnainnflutningi eftir húsleit í Grafarvogi fyrir helgi. Hálft kíló af kókaíni og 300 grömm af amfetamíni fundust við húsleitina.

Frá þessu var greint í kvöldfréttum Stöðvar 2. Þar kom fram að fólkið hafi verið úrskurðað í gæsluvarðhald fram á miðvikudag.

Fíkniefnalögreglan hefur farið í alls fimm húsleitir vegna málsins og fundust einhver fíkniefni í þeim.