Bankar á Íslandi eiga ekki að hugsa eins og samkeppniseftirlit þegar kemur að því að taka ákvörðun um hvort skipta eigi upp fyrirtækjum að því er fram kemur í máli Þorsteins Þorsteinsson, framkvæmdastjóra Bankasýslu ríkisins, í samtali við Ríkisútvarpið. Ásmundur Stefánsson, bankastjóri Landsbankans, sagðist í samtali við Ríkisútvarpið vera sammála Þorsteini í þessu máli og að setja eigi skýrar reglur um samkeppnismál.

Koma þessi ummæli í kjölfar umræðu um hvort skipta eigi fyrirtækinu Högum, sem rekur Bónus, 10/11 og Hagkaup meðal annars, upp þegar fyrirtækið er komið í eigu Arion banka en Hagar hafa ráðandi markaðshlutdeild á matvörumarkaði.