Allt að tíu þúsund albínóar hafa farið í felur í Burundi og Tanzaníu í austur Afríku af ótta við að verða limlestir og líkamspartar þeirra seldir til seiðkarla. Líkamspartar albínóa eru taldir búa yfir sérstökum mætti í Burundi og Tanzaníu og færi hverjum þeim sem eigi slíka parta gæfu og auð. Mikill viðbúnaður er í löndunum tveimur vegna árásana á albínóa en flestar þeirra eru í afskekktum byggðum þar sem lítið er um löggæslu.

Árásum á albínóa fjölgaði gífurlega fyrir tveimur árum. Fjörutíu og fjórir albínóar hafa verið drepnir í Tanzaníu frá árinu 2007 og fjórtán í Burundi.