Hosmany Ramos, lýtalæknir frá Brasilíu, situr inni í Hegningarhúsinu á Skólavörðustíg en hann var handtekinn við komu sína til landsins frá Noregi. Hann hefur setið inni í 27 ár í fangelsi í Brasilíu fyrir tvö morð en í helgarviðtali við DV segir hann frá því að í Brasilíu hafi hann verið hetja meðal fanganna.

„Ég var álitinn hetja innan veggja fangelsisins fyrir starf mitt á föngum. Lögreglumennirnir hikuðu ekki við að skjóta fanga og ég hlúði að þeim,“ segir Ramos sem var dæmdur í 53 ára fangelsi, meðal annars fyrir morðin tvö. Brasilíumenn vilja hann framseldan en sjálfur sækist hann eftir hæli hér á landi.

„Hér á Íslandi eru fangelsin góð og það er mikill munur á fangelsum á Íslandi og í Brasilíu. Prófaðu bara að gúggla „prison in Brazil“ og sjáðu með þínum eigin augum. Ísland er fyrirmyndarríki og það er enginn grimmur yfirmaður eins og í Brasilíu,“ segir Ramos í viðtalinu.

Viðtal við Hosmany Ramos má lesa í 104 síðna helgarblaði DV sem er komið út