Ákvörðun stjórnar Knattspyrnusambands Íslands, KSÍ, að leyfa fjármálastjóranum, Pálma Jónssýni, að halda vinnu sinni er fordæmd af Samtökum um Kvennaathvarf, Stígamótum og Feministafélagi Íslands. Samtökin segja óásættanlegt að ekkert hafi verið aðhafst eftir að upp komst að Pálmi heimsótti strippstað með kreditkort KSÍ í vasanum.

Atvikið átti sér stað fyrir fjórum árum síðan en þá kom Pálmi heim með ríflega þriggja milljón króna kreditkorta reikning á kort KSÍ. Rúm milljón hafði verið tekin útaf kortinu áður hann fór á strippstaðinn en afgangurinn var tekinn útaf kortinu á skömmum tíma inni á staðnum. Pálmi hefur ávallt haldið því fram að kortið hafi verið misnotað og borgaði sjálfur reikninginn.

Þegar upp komst ákváðu stjórnendur KSÍ að aðhafast ekkert þar sem sambandið yrði ekki fyrir fjárhagslegu tjóni og ferill fjármálastjórans væri flekklaus. Þáverandi stjórn fjallaði ekki um málið. Það lýst forsvarsmönnum áðurnefndra samtaka illa á og krefjast þess að Íþróttasamband Íslands fjalli um málið. Þá hvetja samtökin til þess að opinbert fé verði látin renna til annarra hreyfing en KSÍ.

„Á sama tíma og fyrstu opinberu mansalsmálin á Íslandi vekja ugg í samfélaginu er upplýst að einn forsprakki íþróttahreyfingarinnar hafi skemmt sér næturlangt á klámbúllu erlendis í ferð á vegum KSÍ. Það er óásættanlegt að stjórnin víki ekki eftir að upp komst um vítavert framferði fjármálastjórans og máttleysisleg viðbrögð stjórnarinnar í kjölfarið," segir í tilkynningu frá samtökunum þremur.