Möguleiki er á að neyðarlögin frá október í fyrra verði felld fyrir dómstólum að mati Stefáns Más Stefánssonar, prófessors í lögum. „Skuldbindingar vegna Icesave verða því mun hærri og forsendur brostnar fyrir samningnum,“ sagði Stefán Már í samtali við fréttastofu Ríkissjónvarpsins.

Formaður skilanefndar Landsbankans sagðist í kvöldfréttum Ríkissjónvarpsins gera ráð fyrir að einhverjir kröfuhafar bankans láti reyna á réttmæti neyðarlaganna fyrir dómstólum. Lögin voru sett í fyrrahaust til að vernda innstæður í bönkunum. Stefán Már sagði skuldbindingarnar sem gætu leitt af þessu geta orðið verulegar og erfiðar fyrir íslenskt þjóðarbú.