Fjórtán ára drengur frá Dorset í Bretlandi verður að bíða þar til hann verður kynþroska svo hann geti farið í kynskiptiaðgerð. Drengurinn, sem heitir Georgie Smith, segist alltaf hafa viljað vera stúlka alveg frá því hann var lítill drengur. „Ég er nógu gamall til að vita hvað ég vil og ég vil verða stúlka,“ sagði Georgie Smith í samtali við breska dagblaðið The Sun.

Bresk heilbrigðisyfirvöld hafa meinað drengnum um að fara í kynskiptiaðgerð og hefur móðir hans gagnrýnt þá ákvörðun. Hún vill gefa syni sínum lyf sem hamla því að karlkynshormónin geri hann karlmannlegri er hann gengur í gegnum kynþroskaskeiðið.

Móðir hans segir hann hafa viljað vera stúlka frá tveggja ára aldri og hafi tvisvar reynt að fremja sjálfsvíg eftir að hann uppgötvaði að hann væri í „röngum“ líkama.