„Á sex tíma bili á föstudags- og laugardagskvöldum er bráðavaktin líkt og vígvöllur,“ sagði Ragna Gústafsdóttir, deildarstjóri Landspítalans, í kvöldfréttum Ríkissjónvarpsins. Kalla þurfti út lögreglu síðastliðið laugardagskvöld er sex manns á biðstofunni tókust heiftarlega á og þurfti lögreglan að beita piparúða á fólkið. Um tuttugu manns er meinað að koma inn á bráðamóttökuna vegna óspekta sem þau hafa stofnað til en dæmi eru um að þessir einstaklingar hafi gengið í skrokk á starfsmönnum.