Öllum starfsmönnum Símans hefur verið hóað saman á fund í Smárabíói sem hefst klukkan þrjú núna á eftir. Samkvæmt heimildum DV verður áætlun fyrirtækisins fyrir árið 2010 kynnt.

Þá munu einhverjar nýjungar verða kynntar og auglýsingar til að kynna þessar nýjungar verða sýndar í fjölmiðlum annað kvöld.

Heimildir DV herma að engar uppsagnir verði kynntar á fundinum og hefur fundurinn ekki vakið upp óvissu meðal starfsmanna.