Alvarlegt vinnuslys varð í Bolungarvík á laugardaginn þegar karlmaður, sem var við vinnu á steypustöð, endaði einhvernvegin í steypuhrærivél á vinnustað sínum með þeim afleiðingum að hann hlaut opin beinbrot á báðum fótum að sögn varðstjóra lögreglunnar á Vestfjörðum.

Að sögn varðstjóra var maðurinn fluttur til Reykjavíkur með sjúkraflugi en málið hefur verið tekið til rannsóknar hjá lögregluembættinu og Vinnueftirlitinu.