Lögreglan í Lundúnum hefur handtekið mann sem talinn er tengjast rannsókn lögregluyfirvalda í Bretlandi á máli raðnauðgara sem grunaður er um tugi kynferðisglæpa og yfir hundrað innbrot þar í landi. Maðurinn hefur herjað á eldri borgara frá því á tíunda áratug síðustu aldar og er einn eftirsóttasti glæpamaður Bretlands.

Fórnarlömb mannsins voru bæði konur og karlar á aldrinum 68-93 ára.

Talsmaður lögreglunar í Lundúnum segja að 52 ára karlmaður sé í gæsluvarðhaldi og herma heimildir Sky-fréttastofunnar að hann verði ákærður síðar í kvöld.

Hann var handtekinn snemma á laugardagsmorguninn í skipulögðum aðgerðum lögreglunnar
Lögreglan hefur undanfarin tólf ár safnað tvö þúsund DNA-sýnum í tengslum við málið sem kostað hefur lögregluna rúmlega 20 milljónir króna.