"Þetta voru ekki samantekin ráð, en því er ekki að leyna að við sjáum engan tilgang í því að mæta á þessa fundi í samráðshópi sjávarútvegsráðherra," segir Adólf Guðmundsson, formaður Landssamband íslenskra útvegsmanna.

Hvorki Adólf né Friðrik J. Arngrímsson, framkvæmdastjóri LÍÚ létu sjá sig á fundi í starfshópi sjávarútvegsráðherra um endurskoðun fiskveiðistjórnunarkerfisins í dag. "Þetta eru forkastanleg og óviðunandi vinnubrögð ríkisstjórnarinnar, sjávarútvegsráðherra og stjórnarflokkanna að leggja fram frumvarp í mörgum liðum um endurskoðun fiskveiðistjórnunar sem ekki hefur verið rætt eða kynnt starfshópnum."