Ásta Dís Óladóttir forseti viðskiptadeildar Háskólans á Bifröst telur að ef fyrirtæki séu metin lífvænleg sé jafnframt nauðsynlegt er að hafa viðskiptalegar forsendur að leiðarljósi þegar greitt sé úr vanda þeirra. „Það ferli þarf að vera eins gagnsætt og hægt er. Í gagnsæinu felst ekki að allt sé opinberað heldur að teknar séu upp samræmdar verklagsreglur.“

Niðurstöður nýrrar könnunar sem viðskiptadeild háskólans hefur látið gera sýna að nærri tveir af hverjum þremur treysta stjórnvöldum betur en bönkunum til að móta reglur um afskriftir skulda. Um 66 prósent telja að stjórnvöld eigi að móta slíkar reglur; 34 prósent treysta bönkunum betur til þess.

Ásta Dís segir nauðsynlegt að hafa í huga að misjöfn staða fyrirtækja geti kallað á ólíkar aðferðir. „Það þurfa ekki að vera neinir annarlegir hagsmunir þar að baki. Einnig verður að taka það með í reikninginn að á meðan bankarnir vinna að fjárhagslegri endurskipulagningu með fyrirtækjum þarf að halda þeim gangandi og þá er ekki endilega best að skipta um stjórnendateymið eins og oft hefur verið haldið fram.“

Ásta Dísd segier að fyrir liggi að kostnaðurinn við afskriftir skulda í landinu lendi fyrst og fremst á kröfuhöfum gömlu bankanna. „Það er nauðsynlegt að hefja afskriftir skulda sem fyrst líkt og Alþjóðagjaldeyrissjóðurinn hefur bent á. Því fyrr sem við byrjum, því fyrr getum við séð fram á bjartari tíma í íslensku efnahagslífi.“

Nánar í DV í dag.