Skilanefnd gamla Landsbankans hefur stefnt fjárfestingafélaginu Gilft vegna útistandandi skuldar félagsins við bankann. Fyrirtaka var í málinu í Héraðsdómi Reykjavíkur í morgun. Skuldin er tilkomin vegna afleiðusamninga Giftar við bankann. Fjárfestingafélagið Gift varð til árið 2007 þegar fulltrúarráð eignarhaldsfélags Samvinnutrygginga samþykkti að færa eignir félagsins, sem metnar voru á um 60 milljarða króna, inn í Gift.

Gift er tengt nöfnum framsóknarmannanna Finni Ingólfssyni og Helga S. Guðmundssyni en eignarhaldsfélag var meðal hluti af S-hópnum sem keypti Búnaðarbankann af íslenska ríkinu árið 2003. Staða félagsins hefur versnað mjög á liðnum árum og í lok árs í fyrra var talið að skuldir þess væru komnar upp í um 30 milljarða króna. Síðan þá hafa allir helstu aðstandendur félagsins, meðal annars Finnur og Helgi, yfirgefið það. Félagið átti meðal annars hlutabréf í Exista og Kaupþingi. Skilanefnd var skipuð yfir Gift í lok síðasta árs.

Samkvæmt heimildum DV hafa aðstandendur Giftar reynt að ná samkomulagi við gamla Landsbankann um uppgjör á skuldinni. Það hefur hins vegar ekki gengið þar sem staða félagsins er afar slæm. Þrautalending skilanefndarinnar var því að höfða mál gegn Gift.