Björn Leifsson í World Class er að minnsta kosti með tvo menn í vinnu við bústað sinn á Þingvöllum þótt hann segist hafa lagt fram stóran hluta vinnunnar sjálfur. Bygging bústaðarins er í fullum gangi, jafnvel í úrhellisrigningu og hávaðaroki.

Í kvöldfréttum Stöðvar 2 á sunnudag lét Björn hafa eftir sér að hann hefði sjálfur lagt stóran hluta vinnunnar fram í bústaðnum. Þegar blaðamann og ljósmyndara DV bar að garði á Valhallarstíg fyrripart vikunnar voru þar hins vegar tveir menn að störfum í úrhellisrigningu og hávaðaroki svo varla var stætt. Hvorugur þeirra var Björn.

Þá lét hann einnig hafa eftir sér að hann liti á bústaðinn sem fjárfestingu og ætlaði sér ekki að dvelja þar sjálfur. Þegar DV hafði samband við Björn til að spyrja hver myndi þá nota bústaðinn vildi hann engu svara.

Meira um málið í DV í dag