Dauði breska kjarnorkusérfræðingsins Timothy Hampton er ekki lengur rannsakaður sem sjálfsvíg eftir að nýjar upplýsingar um dauða hans lágu fyrir eftir krufningu. Timothy féll af sautjándu hæð í byggingu Sameinuðu þjóðanna í Vínarborg í Austurríki síðastliðinn fimmtudag og var í fyrstu talið að hann hefði framið sjálfsmorð.

Timothy vann við kjarnorkueftirlit hjá hjá Sameinuðu þjóðunum. Er nú talið að Timothy hafi verið kyrktur og borinn upp á sautjándu hæð byggingarinnar og þaðan fleygt niður og dauði hans látinn líta út fyrir að vera sjálfsvíg. Timothy starfaði við að rannsaka ólöglegar kjarnorkutilraunir og gengur sá orðrómur fjöllunum hærra í Bretlandi að hann hafi verið að rannsaka ólöglegar kjarnorkutilraunir í Íran en Sameinuðu þjóðirnar hafa þverneitað þeim orðrómi.