Bifvélavirkinn Christopher Walls frá Johnson City í Bandaríkjunum varð uppvís að því á dögunum að fikta við kyrrstæða bíla til þess eins að geta gert við þá gegn þóknun. Lögreglan handtók Walls á fimmtudaginn var vegna svikamyllurnar.

Lögreglan segir Walls hafi átt við bifreiðar fyrir utan veitingastaði, beðið eftir að eigendurnir reyndu að koma þeim í gang og birtist síðan eins og sannkölluð himnasending og bauð fram þjónustu sína sem bifvélavirki. Lögreglan segir Walls hafa rukkað á bilinu 40 til 200 dollara fyrir viðgerðirnar. Walls hefur verið ákærður fyrir fiktið og lýsir lögreglan í Johnson City í Tennesse eftir fleiri fórnarlömbum.