„Það versta sem gæti komið fyrir er að við förum í aðra kreppu á næsta ári, taka tvö,“ sagði Vilhjálmur Egilsson, framkvæmdastjóri Samtaka atvinnulífsins, í kvöldfréttum Stöðvar 2. Vilhjálmur sagði það þýða annað efnahagshrun. „Eins og staðan er núna er þetta ekki í höfn,“ sagði Vilhjálmurí kvöldfréttum Stöðvar 2 um lendingu er varðar Stöðugleikasáttmálann.

Ekki er búist við að málin skýrist fyrr en undir miðnætti hvort Samtök atvinnulífsins segja upp kjarasamningi við Alþýðusambandið en þá rennur uppsagnarfresturinn út.